Ceramah Basa Sunda KH Abdul Fattah Ghazali

Sakapeung mah sok nineung waktos taun '80-an, pami wanci subuh atanapi bade bedug magrib sok ngahaja ngupingkeun radio nu nyiarkeun ceramah da'i kondang ti Tatar Sunda, KH Abdul Fattah Ghazali. Eusi dakwah nu nganggo basa Sunda kawilang basajan sareng tema nu diangkatna euyeub ku pesen niley-niley kahirupan. Mung hanjakal info profil ngeunaan anjeunna sesah dipilari, sanaos tos dipaluruh di unggal website. Sareng deuih pami naroskeun teh sok aya oge nu lepat, nyamikeun KH AF Ghazali sareng KHR Totoh Abdul Fatah Ghozali (sesepuh Pasantren Al-Jawami, Cileunyi, Kab. Bandung/mantan Ketua MUI Jawa Barat). Namung sakaterang sim kuring mah, KH AF Ghazali parantos ngantunkeun (taun 2001 [?]).

Ka dieunakeun asa sono kana soanten KH AF Ghazali. Asa sesah ayeuna mah milari penceramah samodel anjeunna. Kapungkur mah pami teu lepat aya oge Abah Kabayan (ramana Doel Sumbang) nu sami dipikameumeut. Ngan anjeunna mah biasana sok siaran husus di radio (sapertos Kang Aam Amiruddin). Benten sareng KH AF Ghazali nu ceramah-ceramahna tiasa didangukeun dina kaset, sapertos KH Zainuddin MZ.

Wilujeng ngadangukeun kasadayana
Baraya nu bade ngadangukeun ceramah-ceramah anjeunna, mangga kantun klik player di handap ieu. Pami teu katingal playerna di komputer baraya, mangga install heula Flash Player.

K.H. AH Ghazali - Sieun Ku Gusti Alloh

KH Abdul Fattah Ghazali- Sabagean Ciri Agungna Islam

KH Abdul Fattah Ghazali- Merangan Nafsu

KH Abdul Fattah Ghazali - Kufur Ni'mat

KH Abdul Fattah Ghazali - Ayat-Ayat Alloh

KH Abdul Fattah Ghazali- Abdina Alloh

KH Abdul Fattah Ghazali- Amanah

KH Abdul Fattah Ghazali - Tugas Risalah

KH Abdul Fattah Ghazali - Tobat

KH Abdul Fattah Ghazali - Taqwa


Mugia mangpaat kanggo baraya sadaya.